Amazon “Ýüzükleriň hökümdary: Hökmürowanlyk ýüzükleri” (Властелин колец: Кольца власти) fentezi serialynyň üçünji möwsüminiň düşürilip başlanandygyny habar berdi. Önümçilik ikinji möwsümiň ahyrky bölümi çykandan dokuz aýdan soň başlady diýip, Empire ýazýar.
Deslapky çaklamalara görä, täze bölümleriň premýerasy geljek ýylyň ortalaryndan ir bolmasa gerek.
Serialyň dowamynyň sýužeti wakalary birnäçe ýyl öňe alyp gider. Esasy üns elfler bilen Sauronyň goşunynyň arasyndaky urşa gönükdiriler. Munuň bilen birlikde Gara Hökümdar söweşiň gidişini üýtgetmek we Ortaýeri özüne boýun egdirmek üçin Bir ýüzügi döretmäge synanyşar.
Üçünji möwsümde täze aktýorlar peýda bolar. Jeými Kempbell Bauer Galadrieliň hyzmatkäri Selebornyň keşbini, Eddi Marsan bolsa gnom Duriniň doganyny oýnar diýlip garaşylýar.
