Ilon Maskyň xAI kompaniýasy tarapyndan döredilen Grok çat-boty Aurora modelinde işleýän Imagine wideo döretmek funksiýasyna eýe bolar. Bu barada Grok topary X sosial ulgamynda habar berdi.
Imagine funksiýasy ulanyjylara tekst beýanynyň esasynda derrew sesli wideo döretmäge mümkinçilik berer. Munuň üçin Grok programmasyny ýükläp almaly, SuperGrok ýazylyşygyna geçmeli we 2025-nji ýylyň oktýabrynda başlajak irki elýeterlilige nobata durmaly.
2024-nji ýylyň ahyrynda Ilon Mask hakyky ýaly görünýän suratlary döretmek üçin Auroro neýroulgamyny hödürledi. Ol ýokary hilli suratlary döredip, obýektleri, tekstleri, logotipleri we adam portretlerini takyk şekillendirýär. xAI kompniýasynyň işläp düzüjileri beýleki modelleriň şowsuzlyga uçraýan ýerlerinde Grok-yň üstünlik gazanýandygyny belleýär.
Häzir xAI Grok-y Colossus 1 superkompýuterindäki 230 müň grafiki prosessorda, şol sanda 30 müň Nvidia GB200 çibinde “okadýar”. Maglumatlar bulut prowaýderleriniň kömegi bilen işlenýär.
