2026-njy ýylyň futbol boýunça dünýä çempionatynyň toparlaýyn tapgyrynyň bije çekişigi 5-nji dekabrda Las-Wegasda geçiriler. Bellemeli ýeri, şäheriň özi ýaryşyň ýekeje-de oýnuny kabul etmeýär.
ESPN-iň maglumatlaryna görä, bije çekişik 17,5 müň tomaşaça niýetlenen dünýäniň iň uly şar görnüşli binasy bolan “Sfera” zalynda geçiriler. Bu ýer meýdany 50 müň inedördül metrden gowrak bolan özboluşly ekran bilen enjamlaşdyryldy.
Ýatlap geçsek, 2026-njy ýylyň dünýä çempionatyna 48 ýygyndy gatnaşar. Ýaryş 11-nji iýundan 19-njy iýul aralygynda ABŞ-da, Kanadada we Meksikada geçer. Häzirki dünýä çempiony Argentina bolup, ol Katarda geçirilen ýaryşyň finalynda Fransiýany penalti tapgyrynda utdy.
