G-Power atelýesi kuwwaty 950 at güýjüne we aýlanma güýji 1400 Nm deň bolan kämilleşdirilen BMW XM superkrossowerini hödürledi.
Model Mansory-dan karbon kuzow elementlerine, 23 dýuýmlyk disklere, ýörite döredilen gaz çykaryjy ulgama, kuwwaty artdyrylan goşa turboly 4,4 litrlik V8 hereketlendirijisine eýe boldy. Kuzow gara öwüşginler bilen mämişi reňkde ýerine ýetirildi. BMW XM-iň öndüriji tarapyndan hödürlenen güýç enjamy 748 at güýjüni we 1000 Nm berýärdi.
G-Power görkezijileri ýokarlandyrmagyň dolandyryş blogunyň programma üpjünçiligini optimizirlemegiň netijesinde mümkin bolandygyny belleýär. Iň ýokary tizlik çäklendirmesi 270-den 300 km/sag boldy, bu hem BMW XM-e dünýäniň iň tiz krossowerleriniň hataryna girmäge mümkinçilik berdi.
BMW XM-iň eýeleri üçin G-Power kämilleşdirilen hereketlendirijiniň birnäçe bukjasyny hödürleýär. Biri kuwwaty 850 a.g. we 1100 Nm çenli, beýlekisi 900 a.g. we 1150 Nm çenli ýokarlandyrýar. Şeýle-de, kompaniýa kuwwaty dogry 1000 a.g. barabar bolan wersiýanyň taýýarlanýandygyny habar berdi.
Geljekde şeýle wersiýalar V8-li birmeňzeş gibrid ulgamy ulanýan täze BMW M5 üçin hem elýeterli bolar.
