Ferrari kompaniýasy 2025-nji ýylyň fewralyndan şu wagta çenli öndürilen Purosangue krossowerleriniň hemmesini diýen ýaly yzyna çagyrýandygyny mälim etdi. ABŞ-nyň Milli ýol hereketiniň howpsuzlygy dolandyryş gullugynyň (NHTSA) habaryna görä , diňe ABŞ-nyň bazaryndan 541 ulag hyzmat merkezlerine iberiler.
Yza çagyryş predohranitel gutusynda gysga utgaşmanyň bolmagynyň mümkindigi bilen bagly, ol ulagyň tormoz tutuşyny ýaramazlaşdyryp we heläkçilige sezewar edip biler. Autoevolition neşiriniň belleýşi ýaly, yzyna çagyryş kampaniýasy şu ýylyň fewral aýyndan öň öndürilen Purosangue modelleriniň agramly bölegine täsir eder.
Bu mesele ulagyň hytaýly eýeleriniň tormozyň işleýşiniň duýdansyz togtandygyny habar berenden soň ýüze çykaryldy. Içerki geçirilen derňewde näsazlygyň predohranitel gutusynyň gurluşy bilen baglanyşyklydygy anyklandy.
Gurallar panelindäki duýduryş çyrasy we tormoz ulgamynda näsazlygyň ýüze çykandygy barada hyzmat habary sürüjä näsazlyk barada duýduryş berýär. Bejeriş çäresi hökmünde Ferrari blokda gysga utgaşma howpuny aradan aýyrýan goşmaça prokladka oturdar.
Purosangue krossoweri Ferrari brendiniň ilkinji wsedorožnigi boldy. Onuň ilkinji görkezilişi 2022-nji ýylyň güýzünde guraldy, başlangyç bahasy takmynan 400 müň dollar boldy. Ähli önümçilik slotlary birnäçe ýyl öňünden satyn alyndy.
