2027-nji ýylyň 2-nji awgustynda boljak Gün tutulmasy 6 minut 22 sekunt dowam eder. Bu üstümizdäki asyryň Gün tutulmasynyň iň uzak döwri bolar diýip, Space.com ýazýar.
Neşir sosial ulgamlarda we metbugatda “dünýä garaňkylyga bürener” diýlen köp sanly oýlanyşyksyz aýdylan “çaklamalaryň” üstünden gülýär. Aslynda, gürrüň Ýakyn Gündogarda, Demirgazyk Afrikada we Arap ýarym adasynyň günortasynda bolup biläýjek astronomik hadysa barada gidýär. Gyzykly tarapy, ony synlamak üçin iň amatly ýeri “Ölüler şäheriniň” ýerleşýän ýeri bolan Müsürdäki Lýuksor - meşhur gadymy nekropol hasaplanýar.
Gün tutulmasynyň doly fazasy ýene-de 10 ýurtda, ýagny Ispaniýa, Gibraltar, Marokko, Alžir, Tunis, Liwiýa, Sudan, Saud Arabystany, Ýemen we Somali ýaly ýurtlarda görner.
"Asyryň Gün tutulmasy" beýleki soňky wakalardan ep-esli uzak dowam eder. Deňeşdirmek üçin, 2024-nji ýylda Demirgazyk Amerikada syn edilen Gün tutulmasy 4 minut 28 sekunt dowam etdi.
2027-nji ýyldaky hadysanyň özboluşlylygy Aýyň takmynan 360 müň kilometr uzaklykda, ýagny Ýere has ýakyn boljakdygy bilen baglanyşyklydyr, şonuň üçinem onuň kölegesi has giň bolar.
Alymlar Günüň koronasyny öwrenmek üçin Gün tutulmalaryndan has köp peýdalanmaga çalyşýarlar. Güýçli kosmos obserwatoriýalary bilen hem Aý Günüň daşky gatlaklarynyň has doly görnüşini berýär.
Ýeri gelende aýtsak, geçen ýyl Gün tutulanda köp sanly radiosöýüjiler dürli diapazonlarda aragatnaşygyň hiliniň üýtgändigini bellediler. Bu Gün ýeliniň basyşynyň we radiasiýasynyň duýdansyz ýom-ýok bolmagyna atmosferanyň "jogabynyň" netijesi boldy.
