Ýewropa kosmos agentligi (ESA) Sentinel-6B hemrasyny uçmaga taýýarlamak üçin uçuş meýdançasyna iberdi. Deňiz derejesini takyk ölçemek üçin döredilen enjam Industrial Dolphin gämisindäki klimat-kontrolly konteýnere ýüklendi. Amerikanyň Birleşen Ştatlarynyň Gündogar kenaryna gelensoň, awtoulagly Kaliforniýadaky Wandenberg kosmodroma eltiler. Ol noýabr aýynda uçurylar.
Sentinel-6B orbitada 2020-nji ýylda uçurylan Sentinel-6 Michael Freilich hemrasy bilen bilelikde işlär. Bilelikdäki gözegçilikler iki enjamdan hem alynjak maglumatlaryň takyklygyny ýokarlandyrar.
Apparatdaky esasy gural C- we Ku-diapazonlarda işleýän Poseidon-4 radiolokasion beýiklik ölçeýjisidir. Ol deňziň ýüzüniň beýikligini, uly tolkunlary we ýeliň tizligini ölçeýär. NASA missiýa beýiklik ölçeýjiniň maglumatlaryny düzedýän mikrotolkunly radiometr berdi, ol atmosferada suwuň mukdaryny ölçemek üçin niýetlenen. Sentinel-6B orbitada azyndan 2030-njy ýyla çenli işlär.
Hemra Ýewropanyň daşky gurşawa gözegçilik etmek üçin niýetlenen Copernicus torunyň bir bölegidir. Ony döretmeklige ESA, NASA, Eumetsat, NOAA we Fransiýanyň CNES agentligi gatnaşdy. Enjamy Airbus Defence and Space-iň nemes bölümi döretdi, beýiklik ölçeýjini bolsa Thales Alenia Space-iň fransuz bölümi işläp düzdi.
Missiýa 1992-nji ýylda Topex Poseidon missiýasy tarapyndan başy başlanan we Jason hemralary tarapyndan dowam etdirilen deňiz derejesine gözegçilik işini dowam etdirýär. Sentinel-6B-niň maglumatlary tebigy betbagtçylyklary çaklamaga we howanyň üýtgemegini modelirlemäge kömek eder.
