Prime Video akym hyzmaty Gerbert Uellsiň “Dünýäleriň urşy” (Война миров) romanynyň täze skrinlaýf-ekranlaşdyrmasynyň treýlerini hödürledi.
Filmde baş keşbi repçi Aýs Kýub ýerine ýetirdi. Sýužet Homeland Security-dan kiberhowpsuzlyk boýunça analitik Uill Redforda ünsi jemleýär. Gahryman köpçülikleýin yzarlaýyş ulgamynyň kömegi bilen bolup biljek howplary yzarlaýar. Birden hem Ýerden daşary siwilizasiýanyň hüjüminiň şaýady bolýar.
Filmiň režissýory bolup klipmeýker Riç Li çykyş etdi.
Taslamanyň prodýuserleriniň biri Timur Bekmambetow (“Aýratyn howply”, “Hardkor”) boldy. Ol öz filmlerinde skrinlaýf formatyny ilkinji gezek ulanmaýar. Prodýuser bu stili esasy ösdürijileriň biri hasaplanýar. Skrinlaýf görnüşde düşürilen filmlerde ähli wakalar kompýuteriň, planşetiň ýa-da smartfonyň ekranynda bolup geçýär. Şeýle format “Dost däl” (Убрать из друзей / 2014), “Gözleg” (Поиск), “Profil” (Профиль), “Dost däl: Darknet” (Убрать из друзей: Даркнет / üçüsi-de – 2018), “Dereksiz ýiten” (Пропавшая без вести, 2023) filmlerinde giňden ulanyldy.
Täze filmiň aktýorlar düzümine Ýewa Longoriýa, Klark Gregg, Andrea Sewej we beýlekiler girdi.
Film 30-njy iýulda göni onlaýn görnüşde çykar.
Gerbert Uellsiň romany eýýäm ençeme gezek ekranlaşdyryldy. Olardan iň bellileriň biri režissýor Stiwen Spilbergiň baş keşpde Tom Kruz bilen düşüren filmi hasaplanýar.
