60-dan gowrak iri nemes kompaniýasy kansler Fridrih Mersiň Made for Germany (“Germaniýa üçin öndürilen”) başlangyjyny goldady we üç ýylyň dowamynda Germaniýanyň ykdysadyýetine 631 milliard ýewro maýa goýmaga borçlandylar. Senagatçylar ýurduň ykdysady ýagdaýyny berkitmäge, ösüşini höweslendirmäge we onuň bäsdeşlige ukyplylygyny ýokarlandyrmaga kömek eder diýip, Euronews ýazýar.
Bu başlangyjyň ady ýokary hilli nemes önümleriniň nyşanyna öwrülen Made in Germany jümlesine salgylanýar. Bu başlangyja Siemens , BASF , BMW , Volkswagen , Mercedes-Benz, Rheinmetall, SAP , Airbus we Deutsche Bank ýaly ägirtler gatnaşýar. Germaniýanyň ykdysadyýetiniň 30%-den gowragy agzalan kompaniýalaryň paýyna düşýär. Başlangyja beýleki kompaniýalaryň hem goşulmagyna garaşylýar.
Maýa goýumlary täze senagat desgalaryny gurmaga we bar bolanlaryny giňeltmäge, şeýle hem barlag işlerini ösdürmäge gönükdiriler. Bu soňky iki ýylda ýurduň ykdysadyýetiniň pese gaçandygyny nazara alsaň, örän möhüm işdir. 2025-nji ýylda durgunlyk, 2026-njy ýylda bolsa bary-ýogy 1% ösüş bolar diýip çak edilýär.
