Netflix platformasynyň taryhynda iň meşhur iňlis dilli serial “Uensdeý” üçünji möwsüme uzaldyldy. Bu barada platformanyň resmi saýtynda habar berildi.
Mundan başga-da, taslamanyň režissýory Tim Býorton we baş keşbi ýerine ýetiriji Jenna Ortega The Hollywood Reporter bilen söhbetdeşlikde spin-offy döretmek mümkinçiliginiň maslahatlaşylýandygyny aýtdy.
Üçünji möwsüm we goşmaça taslamalar barada giňişleýin maglumat ýok. Tomaşaçylar häzirlikçe ikinji möwsümiň çykmagyna garaşýar, ol 2025-nji ýylyň 6-njy awgustynda we 3-nji sentýabrynda iki bölüm bolup çykar. Orteganyň aýtmagyna görä, serialyň dowamy, esasan, horror žanryna gönükdirildi. Ol “Kerri” (1976) we “Uçurym” (2008) ýaly nusgawy elhençlik filmlerinden ylham alyp döredildi.
“Uensdeýiň” birinji möwsümi 252,1 mln tomaşa ýygnady (akym hyzmaty premýeradan soň ilkinji 91 güni hasaba alýar). Bu ony platformada ikinji meşhur serial edýär. Birinji orny “Kalmar oýny” (birinji möwsüm) eýeleýär – 265,2 mln tomaşa.
Netflix-iň iň meşhur iňlis dilli däl taslamalarynyň 5-ligi:
- ·Kalmar oýny, 1-nji möwsüm – 265,2 mln tomaşa (2,2 mlrd sagat)
- ·Kalmar oýny, 2-nji möwsüm – 192,1 mln tomaşa (1,3 mlrd sagat)
- ·Kalmar oýny, 3-nji möwsüm – 130 mln tomaşa (797 mln sagat)
- ·Kagyz öý, 4-nji möwsüm – 106 mln tomaşa (710 mln sagat)
- ·Lýupen, 1-nji bölüm – 99,5 mln tomaşa (396 mln sagat)
Netflix-iň iň meşhur iňlis dilli taslamalarynyň 5-ligi:
- ·Uensdeý, 1-nji möwsüm – 252,1 mln tomaşa (1,7 mlrd sagat)
- ·Ýetginjeklik döwri (mini-serial) – 142,6 mln tomaşa (546 mln sagat)
- ·Gaty geň işler, 4-nji möwsüm – 140,7 mln tomaşa (1,8 mlrd sagat)
- ·Nägehan: Jeffri Dameriň hekaýaty – 115,6 mln tomaşa (1 mlrd sagat)
- ·Brijertonlar, 1-nji möwsüm – 113,3 mln tomaşa (929 mln sagat)
