Samsung ulanyjylaryň köne smartfonlaryny Galaxy Z Fold 7 smartfonyna çalyşmagy üçin trade-in programmasynyň şertlerini täzeledi. Çalşyp boljak gurluşlaryň sanawyna ozal programma girmeýän Pixel 9 hatary hem goşuldy. Bu barada Droid-life portaly ýazýar.
Indi Pixel 9-yň eýeleri täze smartfony satyn almak üçin arzanladyş alyp biler. Pixel 9 Pro Fold we Pixel 9 Pro üçin 600 dollar, esasy Pixel 9 modeli üçin bolsa 450 dollar möçberde arzanladyş göz öňünde tutuldy. Şeýle-de, programma gatnaşyjylar smartfonyň ýadyny mugt ulaldyp biler.
Bu programma Samsung-yň beýleki smartfon modellerini-de öz içine alýar. Galaxy Z Fold 6-ny ýa-da Galaxy S25 Ultra-ny çalyşmak 1000 dollar, Galaxy Z Fold 5 – 900 dollar, Galaxy Z Fold 4 we Galaxy S24 Ultra – 800 dollar arzanladyş berýär. Galaxy Z Flip 6, Galaxy S25+ we Galaxy S24+ üçin 700 dollar, Galaxy Note 20 Ultra, Galaxy S23 Ultra, Galaxy S23+ we Galaxy Z Flip 5 üçin bolsa 600 dollar arzanladyş hödürlenýär.
