Britaniýanyň iri derman kärhanasy bolan AstraZeneca 2030-njy ýyla çenli ABŞ-nyň ykdysadyýetine 50 milliard dollar maýa goýmagy meýilleşdirýändigini mälim etdi.
Bu serişdeler Wirjiniýada täze derman öndürýän zawod gurmaklyga we Meriländ, Massaçusets, Kaliforniýa, Indiana we Tehas ştatlarynda ylmy-barlag işlerini giňeltmeklige gönükdiriler.
Kompaniýa bu kararyň derman önümleriniň importyna nyrhlaryň girizilmeginiň mümkindigi bilen baglanyşyklydygyny aýtdy. AstraZeneca-de düşündirmeklerine görä, gürrüň Donald Trampyň Amerikanyň Birleşen Ştatlarynyň daşynda öndürilen derman serişdelerine 200%-e çenli salgyt salmak meýilnamasy barada gidýär. Tramp ozal önümçiliklerini ýurda geçirmek üçin kompaniýalara 18 aýa çenli wagt berlip bilinjekdigini aýdypdy.
AstraZeneca nyrh girizilmek howplary sebäpli ABŞ-a maýa goýumlaryny goýjakdygyny yglan eden köp sanly kompaniýalaryň biridir. Ozal Roche, Novartis we Johnson & Johnson ýaly beýleki derman öndürýän kompaniýalar, şeýle hem Apple, Qualcomm, General Motors we GlobalFoundries ýaly tehnologiýa korporasiýalary hem şeýle meýilnamalary barada habar beripdiler.
