Marvel filmlerinden zalym Galaktusyň şekilindäki patrak bedresi häzire çenli kinoteatrlarda satylan şeýle bedreleriň arasynda iň ulusy diýlip ykrar edildi. Bu barada Ginnesiň rekordlar kitabynyň resmi saýtynda habar berilýär.
Gabyň beýikligi 44,5 sm, ini 51 sm, göwrümi 9 litre barabar. Ol ýalpyldawuk metal bilen örtüldi we onda gahrymanyň ýanyp duran LED gözleri bar. Onuň dizaýnynyň üstünde Marvel, Golden Link we Ping Solutions işledi.
Patrak bedresi çäkli tiraž bilen çykaryldy.
Marvel bu üstünlige şeýle teswir berdi.
“Men onuň başlangyjyny jar edýärin. Men siziň soňuňyzy jar edýärin. Men Galaktusy – “Kinoteatrlarda satylýan patrak üçin iň uly konteýner” kategoriýasynda Ginnesiň rekordlar kitabynyň eýesini yglan edýärin” – diýlip, kompaniýada bellenildi.
Galaktus 2025-nji ýylyň 24-nji iýulynda daşary ýurt prokatyna çykjak “Fantastik dörtlük: Ilkinji ädimler” filminiň esasy antagonistidir. Filme Pedro Paskal, Wanessa Kirbi, Jozef Kuinn, Ebon Moss-Bahrah, Juliýa Garner we Ralf Aýneson gatnaşdy.
