Tesla täze sepgide ýetendigini habar berdi: ilkinji gezek hödürlenenden bäri 7 ýylyň dowamynda bütin dünýäde 3 mln Model 3 awtomobili satyldy. Kompaniýanyň wekilleriniň aýtmagyna görä, “ortaça her 1,5 minutda bir ulag satylýar” – diýip, Autohome ýazýar.
Bu waka mynasybetli kompaniýa Hytaýda 31-nji iýula çenli dowam etjek tomusky aksiýa başlady. Alyjylara 1100 dollar möçberinde ätiýaçlandyryş üçin arzanladyş hödürlenýär. Bu arzanladyşy hasaba alanyňda, yzky herekete getirijili esasy wersiýa alyjylara 31 320 dollara, geçýän menzili artdyrylan doly herekete getirijili wersiýa bolsa 38 190 dollara, Performance – 45 620 dollara düşer.
Şeýle-de, 11 000 dollar başlangyç tölegde we 339 dollar aýlyk tölegde göterimsiz goýum bilen bäşýyllyk kredit teklip edilýär.
Referal programma gatnaşyjylar kuzowyň üç reňkinden birini mugt saýlap biler – dür-ak, ýyldyz-gara ýa-da goýy gök. Kümüşsöw ýa-da gyzyl reňk üçin 550 dollar tölemeli bolar. Mundan başga-da, zarýad enjamlary üçin 179 dollardan başlaýan arzanladyşlar bar.
Model 3 bir ýa-da iki hereketlendirijili wersiýalarda elýeterli. Onuň bir zarýadda geçýän ýoly CLTC usuly boýunça 623 km-den 753 km çenlidir. Doly hereketlendirijili wersiýa 3,8 sekuntda tizligini 100 km/sag çenli artdyrýar.
