Ilon Maskyň xAI startapy Grok çat-botunyň çagalar üçin niýetlenen görnüşini döretmek bilen meşgullanar. Bu barada telekeçi X sosial ulgamynda habar berdi.
Täze çat-bot Baby Grok adyny alar we çagalar kontentine gönükdiriler. Mask bu barada giňişleýin maglumat bermedi.
Ilkinji Grok çat-boty xAI kompaniýasy tarapyndan 2023-nji ýylda döredildi. Ol tekst we şekil döretmäge, ulanyjylar bilen gürrüňdeş bolmaga we internetiň hem X platformasynyň üsti bilen hakyky wagtda maglumat almaga ukyplydyr.
2025-nji ýylyň iýulynda Mask we xAI täzelenen wersiýany – Grok 4 neýroulgamyny hödürledi. Işläp düzüjileriň aýtmagyna görä, ol öňki modelden on esse güýçli bolup, has çylşyrymly wezipelerden baş çykarýar. Mask täze modeliň ylmy açyşlara ukyplydygyny nygtaýar.
