Halkara astronomlar topary ilkinji gezek ýaş ýyldyzyň töwereginde planetalaryň emele gelip başlandygyny hasaba aldy. Nature žurnalynda neşir edilen açyş Gün ulgamynyň gelip çykyşyna düşünmekde möhüm ädim boldy.
Gözegçilik edilýän obýekt Orion ýyldyzlar toplumynda ýerleşen HOPS-315 ýyldyzy boldy. Onuň töwereginde alymlar protoplaneta diskini – ahyrynda planetanyň döremegine getirýän gazyň we tozanyň üýşmegini ýüze çykardy.
Syn etmek üçin “Jeýms Uebb” kosmos teleskopy ulanyldy. Onuň kömegi bilen ylmy gözlegçiler HOPS-315-i gurşap alýan maddanyň himiki düzümini öwrendi. Alymlar emele gelýän ulgamyň mundan beýläkki ösüşini yzarlamak üçin gözegçiligi dowam etdirmegi meýilleşdirýär.
“Meniň pikirimçe, biz bu proses barada ilkinji gezek düşünje aldyk. Ýöne biz ýaňy başlaýarys” – diýip, bu babatda Şarlottswilldäki Milli radioastronomiýa obserwatoriýasynyň astronomy Jon Tobin belledi.
