Netflix meşhur Assassin’s Creed oýun seriýasynyň äheňinde serial düşürip başlandygyny resmi taýdan yglan etdi. Bu barada Variety neşiri habar berýär.
Taslama bilen şourannerler we ýerine ýetiriji prodýuserler Roberto Patino bilen Dewid Winner meşgullanýar.
Sýužet iki gizlin guramanyň arasyndaky göreşe ünsi jemlär: biri gizlin hileleriň üsti bilen adamzady dolandyrmaga synanyşýar, beýlekisi adamlaryň erkinligini goldaýar. Waka taryhda iň möhüm pursatlary gurşap alar – gahrymanlar dürli döwürler boýunça syýahat edip, adamzat ykbaly üçin göreşer.
Taslamany döredijiler serialyň diňe bir giň gerimli bolman, eýsem many taýdan çuň boljakdygyny belledi: onda ynam, hökmürowanlyk, nesiller bilen medeniýetiň arasyndaky baglanyşyk ýaly möhüm mowzuklar gozgalar.
Assassin’s Creed franşizasy 2007-nji ýylda çykyp başlady we häzire çenli bütin dünýäde 230 milliondan gowrak nusga bilen satyldy. Seriýanyň soňky oýny – Assassin’s Creed: Shadows 2025-nji ýylda çykdy. Oýun sýužetiniň esasynda assasinler bilen tampliýerleriň ordenleriniň arasyndaky dawa durýar. Gahrymanlar öz ata-babalarynyň ýatlamalaryna göz aýlamak we Edem bölekleri hökmünde belli bolan gadymy artefaktlary gözlemek üçin tehnologiýalary ulanýar.
