Xiaomi YU7 elektromobiliniň hakyky ýol ätiýaçlygy aýdylyşyndan üçden bir esse az bolup çykdy

  • 20.07.2025 17:41
  • 3.7k+

Max wersiýasyndaky Xiaomi YU7 2026 elektrik krossoweri bir zarýadda 492 kilometr ýol geçdi, ýagny bu resmi taýdan yglan edilen görkezijiden 258 km az boldy. Şeýle maglumaty, modeliň garaşsyz synaglarynyň netijelerine esaslanyp, Hytaýyň Sohu neşiri habar berdi.

Öndürijiniň resminamalaryna görä, YU7-niň bir zarýadda geçmeli ýoly Hytaýyň CLTC aýlawy boýunça 750 kilometre ýetmeli. Emma synag wagtynda 21 dýuýmlyk teker oturdylan elektrik awtoulagy gural paneliniň görkezijisi nola ýetýänçä bary-ýogy 483 kilometr, batareýa doly zarýad berilmänkä, öň bar bolan zarýadda ýene dokuz kilometr geçip bildi.
Synaglar howanyň temperaturasy Selsiýa boýunça, takmynan, 30 gradus wagty geçirildi. Salonda iki adam bardy, Comfort tertibi ulanyldy, kondisioner 23-24 derejä düzülendi, tekerlerdäki basyş 2,9 bardy. Krossower ortaça 100 km/sag tizlik bilen 84 kilometr uzynlykdaky halka ýoluň ugry boýunça hereket etdi.


Hakyky netije görkezilen netijäniň takmynan 65,5%-i boldy. Şol bir wagtyň özünde, Hytaýyň CLTC aýlawy Ýewropanyň WLTC-den 15-25% has optimistik hasaplanýar, bölekleýin çapraz gelýäni şonuň üçindir. Şeýle-de bolsa, geçýän ýolundaky tapawut uly bolup galýar.
Bort kompýuterindäki maglumata görä, ortaça energiýa sarp edilişi 100 kilometre 20,2 kWt· s boldy. 0% -dan 100% -e çenli doly zarýad bermek 37 minut, 5% -den 70% -e çenli zarýad bermek 14 minut dowam etdi.



şu gün 08:54
1k+

2026-njy ýylyň BMW X1-i we iX1-i täze dizaýny, opsiýalary aldy. Bahasy 39,9 müň dollar

BMW kompaniýasy 2026-njy model ýylynyň täzelenen X1 we iX1 krossowerlerini hödürledi. X1-iň benzin görnüşiniň bahasy takmynan 42 200 dollardan başlaýar, elektrik iX1 39 900 dollardan satylýar diýip, ITHome ýazýar...

şu gün 08:52
1.2k+

Opel pikirini üýtgedip, içinden ýandyrylýan hereketlendirijili ulaglaryny aýyrmaga howlukmaz

Germaniýanyň Opel awtoulag öndürijisi içinden ýandyrylýan hereketlendirijili awtoulaglaryny önümçilikden aýyrmak baradaky meýilnamasyna täzeden garady. Bu barada ITHome portaly habar berýär. Iki ýyl ozal kompaniýa 2025-nji ýyldan başlap ähli täze modelleriň elektrikli görnüşde öndüriljekdigini we 2028-nji ýyla çenli Ýewropada diňe elektrik ulaglarynyň satyljakdygyny mälim edipdi...

şu gün 08:50
875

Tesla alty aýda Berlindäki zawodynda 100 müň sany täze Model Y ýygnady

Tesla Gigafactory Berlin zawodynda 100 000-nji täzelenen Model Y-nyň goýberilendigini yglan etdi. Zawod bu möhüm sepgide bary-ýogy alty aýyň içinde ýetdi - önümçilik 2025-nji ýylyň ýanwar aýynyň ortalarynda başlanypdy...

28.08.2025 17:24
5k+

Amerikalylar salgyt ýeňilligi gutarmanka elektromobilleri işjeň satyn alýar

1-nji oktýabrdan ABŞ-da elektromobil satyn alýanlar üçin 7500 dollar möçberindäki salgyt ýeňilligi hereket etmegini bes eder. Şol sebäpli amerikalylaryň köpüsi elektrokarlary öňünden satyn almak kararyna geldi, netijede olaryň satuwy çalt ýokarlanyp başlady...