Braziliýanyň milli ýygyndysynyň we Madridiň “Realynyň” wingeri Winisius Žunior Rio-de-Žaneýroda özüniň mumdan ýasalan heýkeliniň tanyşdyrylyşyna gatnaşdy.
Heýkel futbolçyny milli ýygyndynyň eşiginde şekillendirýär. Ol hanym Týusso muzeýi tarapyndan döredildi we soňlugy bilen onuň Nýu-Ýorkdaky şahamçasyna geçiriler.
“Men maşgalam, dostlarym bilen bu ýerdedigime begenýärin. Ilkinji gezek şeýle heýkel Braziliýada açylýar. Men bu barada arzuw edipdim” – diýip, Winisius aýtdy.
Futbolçy 25 ýaşynda. Ol üç gezek Ispaniýanyň çempiony, ýurduň Superkubogynyň eýesi, Çempionlar ligasynyň we UEFA-nyň Superkubogynyň iki gezek ýeňijisidir. Geçen möwsümde Winisius ähli ýaryşlarda 58 oýna gatnaşyp, 22 gol geçirdi we 19 assist etdi. Onuň “Real” bilen şertnamasy 2027-nji ýylyň tomsuna çenli hereket edýär. Transfermarkt portalynyň maglumatlaryna görä, oýunçynyň bazar bahasy 170 mln ýewro barabar.
