Heritage Auctions auksionynda “Indiana Jons we soňky haçly ýöriş” (Индиана Джонс и последний крестовый поход) filmindäki gamçy 525 müň dollara satyldy. Bu barada Associated Press agentligi habar berdi.
“Gamçy – kino taryhynda rowaýaty gahrymanyň, Indiana Jonsuň belli nyşanydyr we ol bu auksionyň esasy wakasyna öwrüldi” – diýip, Heritage Auctions-yň ýerine ýetiriji wise-prezidenti Jo Maddalena belledi.
1989-njy ýylda çykan film meşhur boldy, gamçy bolsa gahrymanyň iň bir tanalýan esbaplarynyň birine öwrüldi. Beýik Britaniýada bolan premýerada aktýor Harrison Ford gamçyny şazada Çarlza sowgat etdi, ol bolsa ony şa gyzy Diana berdi. Şa gyzy, öz gezeginde, bu gamçyny ady agzalmaýan bir adama gowşurdy. Gamçynyň täze eýesiniň ady hem näbelli bolup galýar.
