Tramp steýblkoinleri düzgünleşdirmek barada kanuna gol çekdi

  • 19.07.2025 13:12
  • 8.7k+

ABŞ-nyň Prezidenti Donald Tramp 18-nji iýulda steýblkoinleri düzgünleşdirmek barada ilkinji federal kanuna gol çekdi. Bu barada Bloomberg habar berýär.

“Steýblkoin pudagynda milli innowasiýalary dolandyrmak we kesgitlemek barada kanun” (GENIUS Act) atly resminama steýblkoin amallary üçin kadalaşdyryjy-hukuk binýadyny döretmäge gönükdirildi.

“Genius Act kanuny dollar bilen goldanýan steýblkoinleriň uly mümkinçiliklerini kesgitlemek we durmuşa geçirmek üçin aýdyň we ýönekeý kadalaşdyryjy-hukuk binýadyny döredýär. Bu, ähtimal, internet döräli bäri maliýe tehnologiýalarynda iň uly öwrülişik bolsa gerek” – diýip, Tramp Ak tamdaky gol çekmek dabarasynda aýtdy.

Çärä uly kriptowalýuta kompaniýalarynyň ýolbaşçylary, şol sanda Braýan Armstrong (Coinbase) we Wlad Tenew (Robinhood Markets) gatnaşdy.

“Kanuna gol çekilmegi siziň yhlasly zähmetiňiziň, öňdebaryjy ruhuňyzyň we hiç haçan boýun gaçyrmazlyk ukybyňyzyň tassyklanmasydyr” – diýip, Tramp pudaga gatnaşyjylara ýüzlendi.

Steýblkoin (iňlisçe stable – durnukly, coin – teňňe) – bu bahasyny adaty walýutalara (häzirki ýagdaýda ABŞ-nyň dollaryna) ýa-da birža harytlarynyň bahalaryna mejbury baglamak arkaly alyş-çalyş hümmeti durnuklaşdyrylýan kriptowalýutalaryň umumy adydyr.
Bir gün öň, 17-nji ýulda ABŞ-nyň Kongresiniň Wekiller palatasy kriptowalýuta bazaryny düzgünleşdirmäge degişli üç kanuny tassyklady. GENIUS Act-dan başga-da, sanly aktiwler bazarynyň aç-açanlygy we merkezi bankyň sanly walýutasyna döwlet gözegçiligi barada kanun kabul edildi.Bu wakalaryň esasynda dünýäniň kriptowalýuta bazarynyň kapitalizasiýasy rekord 3,91 trln dollara ýetdi. 


29.09.2025 08:58
60

ABŞ-nyň federal agentlikleri bary-ýogy 42 sente Ilon Maskyň Grok çat-botuna elýeterli bolar

Ilon Maskyň xAI startapy ABŞ-nyň Umumy gulluklar edarasy (GSA) bilen federal agentlikleriň Grok çat-botuny ulanmagy barada şertnama baglaşdy. GSA-nyň habaryna görä, şertnama 2027-nji ýylyň martyna çenli hereket eder...

28.09.2025 10:55
165

Tramp dermanlara, mebel önümlerine we ýük ulaglaryna täze paçlaryň girizilýändigini yglan etdi

2025-nji ýylyň 1-nji oktýabryndan Amerikanyň Birleşen Ştatlarynda käbir harytlaryň importy üçin täze ýokary paçlar güýje girýär. Bu barada ýurduň Prezidenti Donald Tramp Truth Social sosial ulgamynda yglan etdi...

26.09.2025 17:46
39

TikTok-yň ykbaly çözüldi: sosial ulgam 14 mlrd dollara amerikan kompaniýalaryna geçdi

ABŞ-nyň Prezidenti Donald Tramp amerikan kompaniýalarynyň TikTok sosial ulgamynyň aktiwleriniň 80%-ine eýeçilik edýändigini, ByteDance-iň we hytaý maýadarlarynyň bolsa 20%-i saklap galýandygyny görkezýän permana gol çekdi...

23.09.2025 18:25
2

Raşid Meredow Nýu-Ýorkda ABŞ-nyň Döwlet sekretarynyň orunbasary bilen duşuşdy

22-nji sentýabrda Nýu-Ýork şäherinde, BMG-niň Baş Assambleýasynyň 80-nji mejlisiniň çäklerinde, Türkmenistanyň daşary işler ministri Raşid Meredow Amerikanyň Birleşen Ştatlarynyň Döwlet sekretarynyň orunbasary Kristofer Landau bilen duşuşdy...