Britaniýaly aýdymçy Robbi Uilýams Halkara Futbol Federasiýasynyň taryhda ilkinji resmi senasyny hödürledi. Desire atly aýdym italiýaly aýdymçy Laura Pauzini bilen bilelikde ýazyldy.
Aýdymyň awtorlary Karl Brazil, Ouen Parker we Erik Ýan Grob hem-de Uilýamsyň özi boldy.
Desire aýdymynyň premýerasy 14-nji iýunda Klublaýyn dünýä çempionatynyň açylyşyndan öň boldy. Şol gün Uilýams FIFA-nyň aýdym-saz ilçisi hökmünde resmi taýdan tanyşdyryldy. Ilkinji gezek aýdym bir aýdan soň, 13-nji iýulda Nýu-Jersidäki “Metlaýf” stadionynda “Çelsi” bilen “Pari Sen-Žermeniň” arasyndaky final duşuşygyndan öň janly ýerine ýetirildi.
FIFA bu aýdymy ähli esasy çärelerde, şol sanda 2026-njy ýylyň futbol boýunça dünýä çempionatynda ulanmagy meýilleşdirýär.
“Men çagalykdan oýunçylaryň meýdança çykyşyna, senalaryň ýaňlanyşyna, drama syn etdim. Şonuň üçin FIFA-nyň resmi senasy – bu ýönekeý bir işden uly zat. Bu mertebe” – diýip, Uilýams aýtdy. Laura Pauzini ýazga gatnaşmagyň özi üçin “bagtdygyny we hormatdygyny” belledi.
