ArcBest logistika kompaniýasy tarapyndan geçirilen üç hepdelik synagda Tesla Semi elektrik ýük ulagy bir mile (1,6 km) 1,55 kilowat sagat energiýa sarp edýändigini görkezdi. Bu ulag 7230 kilometrden gowrak ýoly geçip, hakyky ýük daşamakda yzygiderli ulanylýardy.
Bu model üçin iň oňat netije: 2024-nji ýylyň sentýabr aýynda Tesla her mile 1,6 kilowat-sagat gerekdigini görkezdi, ozal Ilon Mask Seminiň netijeliligini 1,7 kilowatt-sagat diýip çaklapdy.
Tesla-nyň müşderileri geçen ýyl öz synaglaryny geçirdiler. Şonda DHL her mile 1,72 kilowat sagadyň, Saia bolsa 1,73 kilowat sagadyň gerekdigini ýazga alypdy.
Tesla Semi-niň önümçilik wersiýasyny 2022-nji ýylda resmi taýdan hödürledi, ýöne ýük awtoulaglarynyň köpçülikleýin önümçiligi entek başlanmady. Ýygnamak işiniň 2025-nji ýylyň ahyrynda Newadadaky täze zawodda başlanmagyna garaşylýar.
