Italiýaly tennisçi Ýannik Sinner ispaniýaly Karlos Alkarasy utup, karýerasynda ilkinji gezek “Uimbldon” ýaryşynyň ýeňijisi boldy.
Duşuşyk dünýäniň birinji raketkasynyň peýdasyna 4:6, 6:4, 6:4, 6:4 hasabynda tamamlandy. Oýun 3 sagat 4 minut dowam etdi.
Bu ýeňşiniň netijesinde Sinner şahsy duşuşyklarda Alkarasdan hasap tapawudyny azaltdy – 5-8.
Sinner 23 ýaşynda. Ozal ol “Uly tuwulga” ýaryşlarynyň çäklerinde Australian Open-iň (2024, 2025) we US Open-iň (2024) ýeňijisi boldy. Italiýaly üçin bu ýekelikde karýerasynda 20-nji titul boldy. 22 ýaşly Alkaras “Uimbldonyň” finalyna üçünji gezek gatnaşdy, soňky iki gezekde finalda Jokowiçi utup, ýeňiji boldy. Umuman, onuň hasabynda 21 kubok bar.
Ýaryşyň umumy baýrak gaznasy 53,55 mln funt sterlinge barabar.
