Londonyň “Çelsisi” Klublaýyn dünýä çempionatynyň finalynda Fransiýanyň “PSŽ” toparyny 3:0 hasabynda utdy. Aýgytly oýun Ist-Raterforddaky (ABŞ) “Metlaýf” stadionynda geçirildi.
Gollaryň ählisi oýnuň birinji ýarymynda girizildi. “Çelsiniň” ýarymgoragçysy Koul Palmer 22-nji we 30-njy minutlarda iki gol geçirdi, soňra 43-nji minutda üçünji goly tora girizen Žoao Pedro kömek berdi.
84-nji minutda “PSŽ” azlykda galdy – Kukurelýanyň saçyny çekendigi üçin Žoau Neweş gyzyl duýduryş aldy.
Palmer FIFA-nyň Klublaýyn dünýä çempionatynyň finalynda iki gol geçiren ilkinji iňlis boldy. “Çelsi” üçin bu ýaryşyň taryhynda ikinji tituldyr – ilkinji gezek topar 2021-nji ýylda utdy.
Klublaýyn dünýä çempionaty täzelenen görnüşde geçdi: alty konfederasiýadan 32 topar ABŞ-nyň 11 şäherindäki 12 stadionda oýnady. Toparlaýyn tapgyr her biri dört topardan ybarat sekiz toparçany öz içine aldy, pleý-offa hersinden iň gowy iki topar çykdy.
Ýaryşyň baýrak gaznasy 1 mlrd dollar boldy – bu futbol klub ýaryşlarynyň arasynda rekorddyr. Ýeňiji raýdaşlyk töleglerinden başga-da, 125 mln dollara çenli baýrak alar.
