OpenAI düýpgöter täze kompýuter döretmek isleýär. Häzirki enjamlar emeli aň üçin döredilmedik

  • 13.07.2025 19:08
  • 3.2k+

OpenAI kompaniýasynyň baş direktory Sem Altman häzirki kompýuterleriň emeli aňsyz dünýä üçin işlenip düzülendigini, olaryň emeli aň bilen işleşmäge laýyk däldigini aýtdy. Onuň sözlerine görä, kompaniýa konteksti göz öňünde tutup, esasly kararlary kabul edip bilýän düýbünden täze enjamyň üstünde işleýär.

«Windows Central» neşirine beren interwýusynda Altman bilen OpenAI-yň operasion direktory Bred Laýtkep bu taslamanyň sesli kömekçä meňzemeýändigini, eýsem, tehnologik taýdan has başgaça çözgüt boljakdygyny aýtdylar.

«Häzirki gün [diňe poçtaňy barlap, oňa jogap berip bilýän] ajaýyp pes hilli bir zatlary döredip bilersiňiz. Ýöne ajaýyp bir zat döretmek üçin, giň kontekste hem-de her bir ýagdaýyň nämedigine çuňňur düşünmek zerur... Şonuň üçin men muny geljegi uly ugur hasaplaýaryn» — diýip, Laýtkep aýtdy.
«Kompýuterler, programma üpjünçilikleri we enjamlar, ýagny biziň şu günki kompýuterleri göz öňüne getirşimiz ýaly, emeli aňsyz dünýä üçin işlenip düzülipdi. A indi bolsa, biz düýbünden başgaça dünýäde ýaşaýarys, programmalaýyn we enjamlaýyn talaplar gaty çalt üýtgeýär» — diýip, Altman üstüni ýetirdi.

Bu ugurda hödürlenýän çözgütleriň arasynda OpenAI-yň «io» atly startap bilen bilelikde işläp düzýän enjamy hem bar. Bu kompaniýa Apple-yň öňki baş dizaýneri Joni Aýw tarapyndan esaslandyryldy. OpenAI bu kompaniýany 6,5 mlrd dollara satyn aldy. Taraplaryň maksady tehnologik taýdan özgerdiji – 2007-nji ýylda iPhone-yň çykyşy bilen deňeşdirip boljak – enjam döretmek. Bu OpenAI-y Microsoft, Google, Apple we Samsung ýaly tehnologiýa ägirtleriniň hataryna goşup biler.
Häzirki wagtda OpenAI bu ugurda birnäçe pikiri öwrenýär. Altman adamlaryň durmuş kontekstine düşünip, olaryň adyndan hereket edip bilýän tehnologiýalara ynanmagy öwrenmegi üçin belli bir wagtyň gerek boljakdygyny aýtdy.


düýn 15:44
2.5k+

Hytaý dünýäde ilkinji suwasty emeli aň maglumat merkezini gurýar

Hytaý emeli aň üçin dünýäde ilkinji suwasty maglumat merkezini gurýar. Bu desga Şanhaýyň kenaryndan 10 km uzaklykda ýerleşip, golaýdaky deňiz ýel elektrostansiýasyndan energiýa alar diýip, Live Science habar berýär...

22.08.2025 08:10
957

Google "Gemini" emeli aňyna resminamalary sesli okamak funksiýasyny goşdy

Google kompaniýasynyň işläp düzüjileri «Google Dokumentler» hyzmatyna teksti ses formata öwürmäge mümkinçilik berýän täze funksiýany girizdiler. Bu gurallar emeli aňyň Gemini modeliniň esasynda işleýär. «Audio» atly täze gural iş meýdançasynyň ýokarky bölegindäki «Gurallar» menýusynda peýda boldy...

21.08.2025 16:21
1.6k+

Kosmosdaky ilkinji EA kömekçisi: Hytaý orbita “Ukun” ulgamyny çykardy

“Týangun” stansiýasyndaky hytaý astronawtlary ilkinji emeli aň kömekçisini aldylar. Ýerli açyk modeliň esasynda döredilen “Ukun” atly ulgam täze skafandrlar, miweler we beýleki ätiýaçlyklar bilen “Týançžou-9” ýük gämisi arkaly stansiýa eltildi...

18.08.2025 09:58
3k+

OpenAI Neuralink-iň çägine girýär. Kompaniýa beýni çiplerini döretmäge maýa goýýar

Amerikanyň OpenAI kompaniýasy we ony esaslandyryjy Sem Altman beýni implantlary üçin interfeýsleri döredýän Merge Labs başlangyjyna maýa goýmagy meýilleşdirýärler. Bu barada üç sany anonim çeşmä salgylanyp, Faýnansial Taýms habar berdi...