Julian Keş we Lloýd Glasspul iki türgenden ybarat toparlaryň arasynda geçirilen “Uimbldonyň” çempionlary bolup, bu kategoriýada Beýik Britaniýa 1936-njy ýyldan bäri ilkinji ýeňşi getirdi. Finalda olar awstraliýaly Rinki Hidzikata bilen gollandly Dawid Peli utdy – 6:2, 7:6 (7:3).
Ýaryşda bäşinji belgi bilen ýerleşdirilen Keş (28 ýaş) we Glasspul (31 ýaş) ozal “Uly tuwulga” ýaryşlarynyň çärýek finalyndan aňry geçmeýärdi. Bu titul olar üçin şeýle derejeli ýaryşlarda karýerada ilkinji boldy.
Doly britaniýaly jübüt “Uimbldonyň” finalynda 1960-njy ýyldan bäri ilkinji gezek oýnady. Erkekleriň jübüt ýaryşynda tituly alan soňky britaniýalylar 1936-njy ýylda ýeňiş gazanan Pet Hýuz we Reýmond Takidi.
Ýeňijiler baýrak hökmünde 680 müň funt sterling alar. 2025-nji ýylyň “Uimbldon” ýaryşynyň umumy baýrak gaznasy 53,55 mln funt sterlinge barabar.
Ýatlap geçsek, 13-nji iýulda erkekleriň arasynda ýekelikdäki ýaryşyň finalynda ispaniýaly Karlos Alkaras bilen italiýaly Ýannik Sinner duşuşar.
