Müsüri öwrenmek bilen meşgullanýan italiýaly alymlaryň topary Giza belentliginiň aşagynda ýerasty desgalaryň yzlarynyň tapylandygyny habar berdi. Daily Mail-iň ylmy gözlege gatnaşyjylara salgylanyp ýazmagyna görä, alymlar, esasan, Uly Sfinks heýkeliniň töwereklerine ünsi jemledi.
Alym Armando Meýiň aýtmagyna görä, skanirleme iki sany gönüburçly otaga eltýän aýlawly basgançakly dik şahtany ýüze çykardy. Olaryň biri ýeriň aşagynda 600 metrden gowrak, beýlekisi bolsa 1200 metrden gowrak çuňlukda ýerleşýär.
Stratklaýd uniwersitetinden Filippo Biondi alnan maglumatlaryň Müsür dinastiýasy döwründen öň peýda bolan desgalaryň bardygy baradaky çaklama gabat gelýändigini belledi. Armando Meý Giza belentliginiň, takmynan, b.e. öň 36 400-nji ýylda döredilip bilendigi baradaky pikiri öňe sürdi.
Gazuw-agtaryş işleri mart aýynda başlady. Taslamanyň maksady has gadymy siwilizasiýanyň bolandygy baradaky nazaryýeti barlamakdan ybarat.
Aprel aýynda tanymal müsürli arheolog Zahi Hawass gözleg toparyny tankyda sezewar edip, Meýi awantýurist diýip atlandyrdy.
