Meşhur awto syýahatçy Raýner Sitlou Volkswagen ID. Buzz elektroweninde dünýä boýunça gezelenje çykdy. Ol syýahatynyň dowamynda 75 ýurda baryp, takmynan 80 müň kilometri geçmegi meýilleşdirýär. Eger syýahat şowly tamamlansa, bu bir ugruň çäginde elektrik ulagynda baryp görlen ýurtlaryň sany boýunça dünýä rekordy bolar.
Syýahatyň maksady Ginnesiň rekordlar kitabyna girmek. Syýahata Germaniýanyň Gannower şäherinden badalga berildi. Bu ugur Awstraliýa we Täze Zelandiýa ýaly Ýewropadan gaty uzakda ýerleşýän sebitleri hem öz içine alýar. Syýahaty sekiz aýda tamamlamak göz öňünde tutuldy.
Ulag serişdesi hökmünde, takmynan, ýöreýiş ätiýaçlygy 400 km, batareýa kuwwaty 86 kWt bolan seriýalaýyn Volkswagen ID. Buzz ulanylýar. Alan ýeke-täk tehniki üýtgetmesi çäkli infrastrukturasy bolan ýerlerde has çalt zarýad bermek üçin AC-DC üýtgeýän tok öwrüjisiniň oturdylmagydyr.
Raýner Sitlou 55 ýaşynda. Ol awtoulagda eden syýahaty üçin eýýäm sekiz gezek Ginnesiň rekordlar kitabyna girip, Volkswagen bilen 24 sany bilelikdäki taslamany tamamlady.
