Samsung Electronics 2025-nji ýylyň ikinji çärýegi boýunça operasion girdejisiniň ep-esli azalmagyna garaşýar. Günorta Koreýanyň tehnoägirdiniň deslapky bahalandyrmasyna görä, bu döwürde operasion girdejisi 4,6 trln wona ($3,37 mlrd) deň bolar, bu bolsa geçen ýylyň degişli döwri bilen deňeşdirilende 56% azdyr. Şol wagt girdeji 10,4 trln wona ýetipdir.
Bu görkeziji soňky alty çärýekdäki iň pes netije bolup biler. Samsung-yň çaklamasy analitikleriň garaşýan netijelerinden ep-esli pes. LSEG SmartEstimate çaklaýyş modeliniň maglumatlaryna görä, operasion girdejiniň 6,2 trln won bolmagyna garaşylýardy.
Samsung girdejiniň peselmegini ABŞ-nyň Hytaýa garşy girizen sanksiýalary sebäpli, ýokary hilli emeli aň çipleriniň iberilişindäki çäklendirmeler bilen baglanyşdyrýar. Kompaniýanyň işi esasan hem Hytaý bazaryna gönükdirilendir.
Reuters agentliginiň pikir soraşmasyna gatnaşan analitikler girdejiniň azalmagynyň başga bir sebäbi hökmünde, Samsung-yň Nvidia üçin ýokary geçirijilikli çipleriniň iberilişiniň gijikmegini görkezýärler. Mart aýynda kompaniýa bu çipleri iýun aýynda iberip başlajakdygyny aýdypdy, emma häzirki wagtda bu çipleriň heniz synag edilýändigi we ABŞ-a ibermek üçin taýýarlanýandygyny mälim edildi.
