Insider Preview maksatnamasy arkaly paýlanyp başlanan Windows 11-iň 25H2 wersiýasynda, öňünden ornaşdyrylan programmalary ýeňil öçürmäge mümkinçilik berýän täze funksiýa peýda boldy. Bu täzelik ulgamyň resmi täzelenmesi çykarylansoň, diňe Pro wersiýasyny ulanýanlar üçin elýeterli bolar.
«Patch My PC» çeşmesiniň habar bermegine görä, Windows 11-iň toparlaýyn syýasatlarynda «Ulgamdaky deslapky Microsoft Store toplumlaryny öçür» atly täze opsiýa peýda boldy. Bu opsiýanyň kömegi bilen, PowerShell-i ýa-da daşary skriptleri ulanmazdan, «Notes» (Заметки), «Solitaire» (Пасьянс), Xbox, Clipchamp ýaly öňünde ornaşdyrylan programmalary saýlap öçürip bolýar.
Bu sazlamany toparlaýyn syýasat redaktorlarynda aşakdaky ýol boýunça tapyp bolýar: «Kompýuteriň konfigurasiýasy» (Конфигурация компьютера) → «Administratiw şablonlar» (Административные шаблоны) → «Windows-yň komponentleri» (Компоненты Windows) → «Goşundylaryň toplumlarynyň ýaýbaňlandyrylyşy» (Развертывание пакета приложений). Ulanyjy şol ýerde haýsy goşundylaryň öçürilmelidigini, haýsylarynyň saklanmalydygyny kesgitläp bilýär.
Öňler ornaşdyrylan programmalary öçürmek üçin belli bir başarnyk gerekdi we köplenç bu amal dogry ýerine ýetirilmeýärdi, bu bolsa ulgamyň işine päsgelçilik döredýärdi. «Patch My PC-niň» wekilleri öň hem Microsoft kompaniýasyna bu prosesi ýeňilleşdirmek üçin ýüz tutupdy, netijede, kompaniýa bu mümkinçilikleri täze operasion ulgamynda durmuşa geçirdi.
Şeýle-de bolsa, bu funksiýanyň diňe Windows Pro wersiýasy üçin niýetlenendigini we Windows Home-da elýeterli däldigini bellemek gerek.
