2025-nji ýylyň iýulynda Windows 11 ilkinji gezek Windows 10-dan öňe geçip, stolüsti kompýuterler üçin iň köp ulanylýan operasion ulgam boldy. StatCounter-iň berýän maglumatlaryna görä, Windows 11 häzirki dünýä bazarynyň 52%-ini eýeledi, Windows 10-yň paýy bolsa 44,59%-e çenli azaldy.
Ýokary ulgam talaplary sebäpli Windows-yň 11-nji wersiýasynyň ýaýraýşy haýal gidýärdi. Windows 10-yň mugt täzelenmesi prosessorlarynyň könelendigi we howpsuzlyk çäklendirmeleri sebäpli köp ulanyjy üçin elýeterli däldi. Microsoft gabat gelmeýän enjamlaryň eýelerini täze OS-a geçmek üçin enjamlaryny täzelemeklige yzygiderli çagyrýar.
400 million enjama gurnalmak üçin Windows 11-e iki ýyl gerek boldy, Windows 10 bolsa bu görkezijä bir ýylda ýetdi.
OS-yň 10-njy wersiýasy üçin goldaw 2025-nji ýylyň 14-nji oktýabrynda tamamlanar. Şondan soň ulanyjylar ýylda 30 $ abuna ýazylmak arkaly tölegli howpsuzlyk täzelenmelerini alyp bilerler. Bu programma käbir ýurtlarda elýeterli bolmasa-da, 2028-nji ýyla çenli dowam eder. Şeýle hem, Microsoft “Resminamalar” bukjasyny OneDrive bilen sinhronlaýan we ätiýaçdan nusgalamak funksiýasyny ulanýan ulanyjylar üçin mugt bir ýyllyk goşmaça täzelenmeler hödürledi.
