Audi 2025-nji ýylyň täzelenen A3 modelini hödürledi. Model 204 at güýjüni öndürýän we 320 Nm tork berýän täze 2.0 TFSI benzinli hereketlendiriji bilen enjamlaşdyrylan. Quattro doly herekete getiriji ulgamy bilen ulag 100 km/sag tizlige bary-ýogy 6,3 sekuntda ýetýär, iň ýokary tizligi bolsa 245 km/sag.
Ulag üç görnüşde hödürlenýär: Sportback, Sedan we Allstreet. Ähli wersiýalarda 7 basgançakly awtomati S tronic karobka bar. WLTP aýlawyna görä, ortaça ýangyç sarp edişi her 100 km üçin 6,8-7,1 litr aralygynda, CO2 bölüp çykaryşy bolsa 155-162 g/km aralygynda üýtgeýär.
Audi täzelenen A3 modelini dinamika, rahatlyk hem-de dürli ýol şertlerine uýgunlaşmak ýaly aýratynlyklary özünde jemleýän köptaraplaýyn awtoulag hökmünde hödürleýär.
Sportback görnüşiniň bahasy Business Advanced toplumy bilen 47 500 ýewrodan başlaýar. Sedan görnüşi üçin bahalar 48 800 ýewrodan, Allstreet kross wersiýasy üçin bolsa 50 müň ýewrodan başlaýar. Model dürli enjamlaşdyryş derejelerinde hödürlenýär, şol sanda S line we Identity Contrast görnüşleri hem bar.
