Hüjümçi Tomas Mýuller Mýunheniň “Bawariýasy” üçin soňky oýnuny oýnap, kluby erkin agent hökmünde terk etdi. 5-nji iýulda Klublaýyn dünýä çempionatynyň “PSŽ-ä” garşy çärýek oýny (0:2) 35 ýaşly germaniýaly üçin klubuň köýnekçesinde iň soňky oýun boldy.
X (öňki Twitter) sosial ulgamynda “Bawariýa” klubuň düzüminde gazanan kuboklary bilen futbolçynyň suratyny we onuň çykyş eden tutuş döwründäki statistikasyny ýerleşdirdi.
“Hiç kimiňkä meňzemeýän karýera – biz seniň öňüňde baş egýäris, Tomas!” – diýlip, toparyň habarynda aýdylýar.
Mýuller “Bawariýanyň” ýetişdiren oýunçysy bolup, esasy topar üçin 2008-nji ýyldan bäri çykyş etdi. Klubuň düzüminde geçen 16 ýylyň dowamynda ol 750 oýna gatnaşyp, 250 gol geçirdi we 276 assist etdi.
Mýuller “Bawariýa” bilen bilelikde 33 kubok, şol sanda 13 gezek Germaniýanyň çempiony titulyny, ýurduň 6 Kubogyny we 8 Superkubogyny, Çempionlar ligasynda we Klublaýyn dünýä çempionatynda iki ýeňiş, şeýle-de iki UEFA-nyň Superkubogyny gazandy.
