Prezident Serdar Berdimuhamedow ABŞ-nyň Prezidenti Donald Trampa ýurduň Tehas ştatynda güýçli ýagyşlar sebäpli emele gelen suw joşgunlarynyň köp sanly adam pidalaryna, şikes ýetmelere hem-de weýrançylyklara getirendigi zerarly gynanç hatyny iberdi.
Döwlet Baştutany şu agyr pursatda gurban bolanlaryň dogan-garyndaşlaryna we ýakynlaryna ýürekden gynanjyny hem-de medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.
4-nji iýulda Tehas ştatynyň Kerr okrugynda suw joşgunlary bolup geçdi. NBC News teleýaýlymynyň habar bermegine görä, ştatyň alty okrugynda azyndan 104 adam pida boldy. Gözleg-halas ediş işleri dowam edýär.
