Italiýaly režissýor Paolo Sorrentinonyň “Merhemet” (Благодать/La Grazia) dramasy 82-nji Wenesiýa halkara kinofestiwalyny açar. Film esasy bäsleşige goşuldy diýlip, kinofestiwalyň saýtynda habar berilýär.
Filmiň sýužeti Italiýada ýaýbaňlanýar we söýgi hekaýatyna bagyşlanýar. Baş keşpleri Toni Serwillo we Anna Fersetti ýerine ýetirdi. Serwillo ozal Sorrentinonyň “Beýik gözellik”, “Loro”, “Hudaýyň eli”, “Söýginiň netijesi” ýaly belli filmlerinde oýnady.
Kinofestiwal 27-nji awgustdan 6-njy sentýabr aralygynda geçiriler. Esasy bäsleşigiň emin agzalaryna amerikaly režissýor Aleksandr Peýn ýolbaşçylyk eder. Ol “Göterim” (Выскочка), “Gyrada” (На обочине) we “Şmidt hakda” (О Шмидте) filmleriniň awtorydyr.
Paolo Sorrentino “Beýik gözellik” (Великая красота / La grande bellezza) filmi çykandan soň halkara derejesinde ykrar edildi. Häzirki Rim jemgyýeti bilen bagly satira “Daşary ýurt dilinde iň gowy film” kategoriýasynda “Oskar”, “Altyn globus” we BAFTA baýraklaryna mynasyp boldy. Şeýle-de, onuň “Ýaş kaka” serialy uly üstünlik gazandy.
Režissýoryň soňky işi bolan “Partenopa” filmi 2024-nji ýylyň maýynda çykdy we Kann kinofestiwalynyň esasy bäsleşik programmasyna goşuldy.
