Braziliýanyň milli ýygyndysynyň hüjümçisi Žoao Pedro “Braýton end Houw Albiondan” Londonyň “Çelsisine” geçdi. Bu barada klubuň saýtynda resmi taýdan yglan edildi. 23 ýaşly oýunçy bilen şertnama 2033-nji ýyla çenli hereket edýär.
KHBS-iň maglumatlaryna görä, transferiň bahasy 55 mln funt sterling boldy, ýene 5 mln funty “Braýton” bonus görnüşinde alyp biler. Şeýlelikde, şertnamanyň umumy bahasy 60 mln funt sterlinge (81,4 mln dollardan gowrak) ýetýär.
Žoao Pedro eýýäm Klublaýyn dünýä çempionaty üçin “Çelsiniň” oýunçylar sanawyna goşuldy – hasaba alyş penjiresi 3-nji iýula çenli açyk. Pedro eýýäm şu şenbe güni 1/4 finalda Braziliýanyň “Palmeýras” klubuna garşy oýunda çykyş edip biler.
Hüjümçi “Braýtonda” 2023-nji ýylyň tomsundan bäri oýnady. Topar üçin 70 oýna gatnaşyp, 30 gol geçirdi. Ozal “Uotfordda” we “Fluminensede” oýnapdy. Onuň hasabynda Braziliýanyň milli ýygyndysy üçin üç oýun bar.
Žoao Pedro “Çelsiniň” tomusky transferleriniň uzyn sanawynyň üstüni ýetirdi: ýakynda klub Liam Delap, Estewao, Dario Essugo, Mamadu Sarr we Kendri Paes bilen şertnama baglaşdy. Şeýle-de, Dortmundyň “Borussiýasyndan” Jeými Gittens bilen şertnama tamamlanmaga ýakyn.
