SpaceX kompaniýasy Falcon 9 raketasynyň 500-nji uçuşyny üstünlikli geçirdi. Ýubileý uçuşy Florida ştatynyň Kanaweral burnundaky kosmodromdan amala aşyryldy. Raketa göterijisi Starlink hemralarynyň täze tapgyryny orbita çykardy.
Adatça bolşy ýaly, raketanyň birinji basgançagy Atlantik ummanyndaky platforma üstünlikli gondy.
Bu uçuş hemralary, ýükleri we ekipažlary orbita çykarmak üçin Falcon 9 raketasyny ulanýan kompaniýa üçin möhüm pursat boldy. Mundan başga-da, uçuş şol bir raketa göterijisi üçin hasap boýunça 29-njy boldy.
Falcon 9 ilkinji gezek 2010-njy ýylda uçuryldy. Şondan bäri ol dünýäde ýygy-ýygydan ulanylýan we ygtybarly raketa boldy. Köp gezek ulanyp bolýandygy üçin, raketa missiýalaryň bahasyny ep-esli azaltmaga mümkinçilik berýär.
Umumy elýeterli maglumatlar raketa göterijisiniň ygtybarlylygynyň 99%-den geçýändigini tassyklaýar.
