“Kalmar oýny” serialy tomaşa boýunça ýene Netflix-iň rekordyny döwdi

  • 03.07.2025 22:36
  • 6.1k+

“Kalmar oýny” serialynyň üçünji möwsümi Netflix-de täze rekord goýdy. Serial çykandan soň ilkinji üç günüň içinde 60,1 milliondan gowrak tomaşa ýygnady diýlip, platformanyň habarynda aýdylýar. Tomaşa etmegiň umumy wagty 368 mln sagatdan geçdi.

Möwsüm başky üç günüň netijesi boýunça Netflix-iň iňlis dilli däl seriallarynyň arasynda meşhurlygy boýunça dokuzynjy boldy. Şeýle-de, ilkinji onluga birinji we ikinji möwsümler gaýdyp geldi. Serial 93 ýurduň reýtinglerinde ilkinji orunlary eýeledi.
Ikinji möwsüm çykan wagty dört günde 68 mln tomaşa bilen başlap, hususan-da, 2022-nji ýylda degişli döwrüň içinde 50,1 mln tomaşa ýygnan “Uensdeý” serialyndan öňe geçdi.
Netflix üçünji möwsümiň alty bölüminiň ählisini 27-nji iýunda bir wagtda hödürledi.
Rotten Tomatoes saýtynyň maglumatlaryna görä, ahyrky möwsüm tankytçylardan 79% oňyn ses aldy. Tomaşaçylaryň bahasy pes boldy – 50%. IMDb-de ortaça reýting 6,8 bal bolup, käbir bölümler 7,4 – 8,7 bal aldy.
The Guardian internetde serialyň iňlis dilli wersiýasyny düşürmek mümkinçiliginiň maslahatlaşylýandygyny belleýär. Gürrüňlere görä, ony Dewid Finçer düşürip biler. Mundan başga-da, ol Kwentin Tarantinonyň ssenarisi boýunça “Günlerde bir gün… Golliwudda” filminiň dowamyny döretmäge gatnaşar.


şu gün 18:02
892

ABŞ-da “Nika hekaýaty” filmindäki sögüşiň sesi bilen möjekleri mallardan kowýarlar

ABŞ-nyň Oba hojalygy ministrligi mallary möjeklerden goramagyň üýtgeşik usulyny ulanýar – sesi güýçlendirijileriň kömegi bilen olara Noa Baumbahyň “Nika hekaýaty” (Брачная история) filminden sögüş sahnasy eşitdirilýär...

şu gün 17:55
1k+

Tankytçylar “Dünýäleriň urşy” skrinlaýf-filmine 0% baha berdi

30-njy iýulda Amazon Prime akym hyzmatynda Gerbert Uellsiň “Dünýäleriň urşy” (Война миров) romany esasynda täze film çykdy. Bu “skrinlaýf” formatda düşürilen film bolup, onda ähli wakalar kompýuter we telefon ekranlarynda bolup geçýär...

şu gün 17:48
931

Netflix “Jadygöý” serialy üçin soňky möwsümleri hasaba almazdan $500 mln sarp etdi

Netflix akym hyzmaty “Jadygöý” (Ведьмак) fentezi serialy bilen baglanyşykly taslamalara ýarym milliard dollardan gowrak maýa goýdy. Bu barada Redanian Intelligence portaly ýazýar. Çeşmäniň hasaplamalaryna görä, esasy serialyň üç möwsümini, prikweli, şeýle-de geçen ýyl ýatyrylan “Serhet alakalary” (Крысы Пограничья) spin-offuny döretmek üçin platforma eýýäm 500 mln dollardan gowrak sarp etdi...

düýn 23:27
4.6k+

“Fantastik dörtlük” prokatyň ikinji hepdesinde agsap başlady, kassa ýygymy 66% peseldi

“Fantastik dörtlük: Ilkinji ädimler” (Фантастическая четвёрка: Первые шаги) filmi iki uikendiň jemi boýunça amerikan prokatynda 198 mln dollar ýygnap, çartlarda öňdebaryjylygy saklady. Film “Bezzat oglanlar 2” (Плохие парни 2) animasion filminden we “Ýalaňaç sapança” (Голый пистолет) komediýasyndan öňe geçdi diýip, Variety habar berýär...