Ferrari abraýly umman ýaryşlaryna gatnaşmak üçin döredilen eksperimental ýahta bolan Hypersail taslamasyny hödürledi. Oňa ýelkenli giperkar diýilýär: gäminiň uzynlygy 30 metre deň, beýikligi bogaldagy bilen birlikde 40 metre çenli bolar.
Esasy aýratynlyklaryň biri suwasty ganat innowasiýa ulgamy bolar. Olar merkezi kilde, rul pyçagynda we iki gapdal pilonda gurlar we gäminiň üç daýanç nokadynda suwuň üstünde “pelpellemegine” mümkinçilik berer. Bu şeýle dizaýnly dünýäde şuňa meňzeş ululykdaky ilkinji ýelkenli gämi bolar.
Dolandyryş ulgamynyň işlenip taýýarlanylyşy Ferrari-niň awtoulag sportundaky tejribesi göz öňünde tutup amala aşyrylýar. Mundan başga-da, ýahta ýangyç hereketlendirijilerini ulanmazdan, energiýa taýdan doly özbaşdak bolar. Ýelkenlerini, ganatlaryny we beýleki ulgamlaryny dolandyrmak üçin energiýa gün panelleri, ýel generatorlary we kinetiki enjamlar arkaly üpjün ediler.
Hypersail 2026-njy ýylda satuwa goýberiler.
Ozal habar berlişi ýaly, Ferrari ýelkenli toparyna 30 ýyldan gowrak tejribesi bolan tejribeli ýahtaçy Jowanni Soldini ýolbaşçylyk eder. Ol La-Manş bogazyndan we Gonkong-London ugry boýunça deňiz ýoluny çalt geçmekde wagt rekordyny eýeleýär.
