Alymlar labrador-retriwerden (itiň bir tohumy) uly bolmadyk dinozawryň täze görnüşini tapdylar diýip, CNN habar berýär.
Dinozawr Enigmacursor mollyborthwickae diýlip atlandyryldy we takmynan, 150 million ýyl ozal - ýura döwründe stegozaurlar we diplodoklar bilen birlikde häzirki Amerikanyň Birleşen Ştatlarynyň çäginde ýaşap geçipdir. Onuň galyndylary 2021-2022-nji ýyllarda Kolorado ştatyndan tapyldy. Kellesiniň we oňurgasynyň bir bölegi gowy saklanmandygy sebäpli, takyk ölçeglerini dessine kesgitlemek mümkin bolmandy.
Barlagçylaryň sözlerine görä, dinozawr iki uzyn art aýaklarynda ýöräp, but süňki özboluşly gurluşa eýe bolupdyr. Onuň iň ýakyn garyndaşy Hytaýda ýaşap, uzynlygy üç metre ýeten Yandusaurus hongheenis bolup biler.
26-njy iýunda Enigmacursor mollyborthwickae -iň skeleti Tebigatyň taryhy muzeýinde goýuldy.
Barrett täze dinozawr görnüşleriniň hepdede bir gezek indentifisirlenýändigini aýtdy. Emma kiçi görnüşler has seýrek duş gelýär, sebäbi ulularyň deňinde olar gözden sypyp bilýär, galyndylary bolsa köplenç ýyrtyjylar, maslykçylar tarapyndan zaýalanýar.
