Mýunheniň “Bawariýasy” merkezi goragçy Erik Daýer we winger Leroý Zane bilen hoşlaşdy. Futbolçylaryň ikisiniň hem nemes kluby bilen şertnamasy 2025-nji ýylyň 30-njy iýunyna çenli hereket edýärdi. Şeýlelikde, oýunçylar kluby erkin agent hökmünde terk etdi.
“Şu gün Erik Daýeriň “Bawariýanyň” oýunçysy hökmünde resmi taýdan soňky güni! Ähli zat üçin minnetdar, Erik” – diýlip, klubuň goragça bagyşlanan beýanynda aýdylýar.
“Bawariýanyň” köýnekçesinde geçiren bäş ýylyň üçin minnetdar, Leroý Zane! Biz saňa geljekde ähli gowulyklary arzuw edýäris!” – diýlip, toparyň metbugat gullugy germaniýaly oýunça ýüzlendi.
Belläp geçsek, Erik Daýer karýerasyny Fransiýada dowam etdirer. Goragçy “Monako” bilen şertnama baglaşdy. Leroý Zane bolsa Stambulyň “Galatasaraý” klubunyň oýunçysy boldy.
