Bred Pittiň baş keşbi janlandyrmagynda täze “Formula 1” filmi ABŞ-da we Kanadada 55,6 million dollar, dünýäde bolsa 88,4 million dollar girdeji gazandy diýip, The Hollywood Reporter habar berýär.
Filmiň dynç günleriniň umumy girdejisi 144 million dollardan geçdi we bu prodýuserleriň garaşyşlaryndan ep-esli ýokary boldy.
Bu Bred Pittiň karýerasyndaky iň gowy başlangyç. 200 million dollarlyk ýokary önümçilik býujetine garamazdan, režissýor Jozef Kosinskiniň filmi kassa ýygymynyň häzirki dinamikasyny göz öňünde tutsaň, öwezini dolmak üçin ynamly hereket edýär.
Şol bir wagtyň özünde "M3GAN" horrorynyň dowamy çykdy. 20 million dollar ýygnar diýip çaklanan hem bolsa, film bary-ýogy 10 million dollar toplamagy başardy. Emma taslamanyň býujeti has pes - marketing çykdajylaryny hasaba almazdan, 25 million dollar.
