Dolby we Audi kompaniýalary hyzmatdaşlyk şertnamasyny baglaşdy, onuň çäklerinde awtoulag öndürijisiniň ulaglaryna Dolby Atmos töwerekleýin ses tehnologiýasy ornaşdyrylar. Bu barada Dolby Laboratories kompaniýasy habar berdi.
Dolby Atmos 2025-nji ýylyň iýul aýyndan başlap Bang & Olufsen Premium 3D ses ulgamy bilen enjamlaşdyrylan Audi awtoulaglarynda elýeterli bolar. Gürrüň şu aşakdaky modeller hakda barýar:
- Audi Q7
- Audi Q8
- Audi A8
- Audi e-tron GT
Tehnologiýa resmi Audi connect hyzmatlarynyň işleýän ähli bazarlarynda elýeterli bolar.
Dolby Atmos - bu Dolby Laboratories tarapyndan işlenip düzülen ses tehnologiýasydyr. Ol sesleriň ýokary takyklykda töwerekleýin çykmagyny üpjün edýär, bu sesiň kabul edilişini aňrybaş hakyky ýaly edýär we aýdym-sazy janly gören ýaly duýgyny döredýär.
