Toyota kompaniýasy Land Cruiser Prado ulagynyň gibrid wersiýasyny tanyşdyrdy. Bu ulag modeliň Ýewropa bazary üçin niýetlenilen elektrikleşdirilen ilkinji görnüşidir.
Täze 48-woltlyk gibrid ulgam, häzirki wagtda adaty Prado modellerinde ulanylýan 2,8 litrlik dizel hereketlendirijiniň binýadynda döredildi. Bu hereketlendirijiniň güýji 200 at güýjünden biraz ýokary. Oňa goşmaça kiçi elektrodinamo-motor we kompakt akkumulýator ýerleşdirildi.
Elektrik motory 16 at güýjüne we 65 Nm torka çenli güýji öndürip bilýär. Ol ulagyň ýerinden hereketlenmeginde we ýolsuz şertlerde hereket etmeginde kömek berýär, şeýle-de energiýa dikeldiş (rekuperasiýa) ulgamynyň işine gatnaşýar.
Akumulýatoryň sygymy 4,3 amper-sagat, agramy bolsa 7,6 kilogram bolup, ol bagaž bölüminiň aşagynda ýerleşýär.
Täze gibrid Prado modelleriniň Ýewropadaky satuwy 2025-nji ýylyň soňlarynda başlanar. Toyota gelejekde Prado modeliniň diňe elektrikleşdirilen görnüşlerini satuwa çykarmagy meýilleşdirýär.
