Microsoft Windows operasiýa ulgamynda peýda bolýan meşhur "ölüm ekranynyň" (BSoD – Blue Screen of Death) reňkini üýtgeder. Bu barada The Verge neşiri habar berýär. Gök ekran indi gara reňkde çykar.
Bu üýtgeşikme baradaky ilkinji maglumatlar mart aýynda peýda bolupdy, şol wagt ekranyň ýaşyl reňkde boljagy aýdylýardy. Indi bolsa kompaniýa öz gutarnykly kararynyň gara reňk bolup durýandygyny mälim etdi.
Täzelenen ekranda öňki ýaly gamgyn smaýlik we Microsoft-yň tehniki goldaw sahypasyna alyp barýan QR-kod bolmaz. Ekranda diňe ýalňyşlyk kody we näsazlyga sebäp bolan draýwer baradaky maglumat galar.
Microsoft-yň korporatiw howpsuzlyk we operasiýa ulgamlary boýunça wise-prezidenti Dewid Ueston bu üýtgeşmelere düşündiriş berip:
"Bu üýtgeşiklik näsazlygyň sebäbini has anyk görkezmek, giňişleýin maglumat bermek we müşderiler bilen bilelikde meseläni çalt çözmek üçin edilýär" diýip aýtdy.
Üýtgeşmeler Windows 11 ulgamynyň şu tomsuň soňlarynda çykjak täzelenmesine giriziler. Kompaniýanyň blogynda täze gara ölüm ekranynyň suraty hem ýerleşdirildi.
Blue Screen of Death ilkinji gezek 1985-nji ýylda peýda bolan Windows ulgamlarynda ulanylyp başlandy. 1993-nji ýyldan bäri bu aýratyn ekran özbaşdak bir fenomen hökmünde tanalýar. Onuň daşky görnüşi 20 ýyldan gowrak wagtlap diýen ýaly üýtgemedi. 2012-nji ýylda, Windows 8 bilen birlikde, ekrana gamgyn smaýlik girizildi, 2016-njy ýylda bolsa QR-kod peýda boldy.
