Wýetnamda ýurduň ilkinji erkin söwda zolagy dörediler. Bu zolak ýurduň merkezi bölegindäki tehnologiýa we syýahatçylyk merkezi bolan Danang şäherinde ýerleşer diýip, Nikkei neşiri habar berýär.
Hökümet bu taslamanyň ýurduň ykdysady ösüşine itergi bermegine we 2045-nji ýyla çenli ýokary girdejili döwlet bolmak maksadyna ýetmäge kömek etjekdigine garaşýar.
Erkin söwda zolagynyň meýdany 1881 gektara deň bolar. Bu zolakda işlejek kompaniýalara salgyt ýeňillikleri, ýer kärende ýeňillikli ýa-da mugt şertler, şeýle-de rugsatnamalary almak üçin ýeňilleşdirilen tertip hödürlener.
Wýetnamyň premýer-ministriniň beýanatynda:
“Danang şäherinde erkin söwda zolagynyň döredilmeginiň uzak möhletli maksady — dünýä derejesinde hem-de Aziýa-Ýuwaş ummany sebitinde üpjünçilik zolaklaryny döretmek, önümçilik merkezini we harytlar üçin global üstaşyr merkezini kemala getirmekdir” diýilýär.
Danang şäherinde ýurduň üçünji iň uly deňiz porty ýerleşýär. Meýilnama görä, bu portuň ýyllyk geçiriş ukyby 2030-njy ýyla çenli 8,7 mln tonnadan 13,7 mln tonna çenli ýokarlandyrylar. Bu bolsa logistika infrastrukturasynyň we zolagyň ösüşine goşant goşar.
Mundan başga-da, häkimiýetler geljekde Danang şäherini halkara maliýe merkezine öwürmegi meýilleşdirýärler.
