Apple tankytlary nazara alyp, iOS 26-nyň ikinji beta wersiýasynda Liquid Glass-yň interfeýsiniň üstünde işledi

  • 26.06.2025 16:42
  • 3.8k+

Apple kompaniýasy iOS 26 operasion ulgamynyň ikinji beta-wersiýasyny çykardy. Bu täzelenme bilen kompaniýa täze interfeýs dizaýny bolan Liquid Glass-daky esasy meseleleriň birini düzetdi. Täze interfeýs ýokary aç-açanlykly aýnanyň optiki aýratynlyklaryndan ylham alyp işlenipdi.

Ilkinji beta-wersiýada ulanyjylar esasan “Dolandyryş merkezi” (ekranyň sag ýokarky burçundan aşak süýşürilip açylýar) bilen baglanyşykly şikaýat edipdiler:

  • Ýarym aç-açan fon, baş ekrandaky elementler bilen birleşip, düwmeleriň we süýşüriji elementleriň okalmagyny kynlaşdyrýardy.
  • Täze wersiýada Apple bu meseläni çözmek üçin fonuň dumanlylygyny güýçlendirdi.

Bildirişler bilen hem baglanyşykly nägilelikler bardy:

  • Olaryň teksti baş ekranyň üstünde sähel görünýärdi.
  • Apple tekstiň kontrastyny ýokarlandyryp, okalmagyny gowulandyrdy.
  • Emma belli bir ýagdaýlarda — ýagty ýa-da açyk fonda — bildirişleriň okalmasy entek hem gowulaşmaga mätäç.

iOS 26-nyň umumy elýeterli wersiýasy güýzde çykarylar diýlip garaşylýar. Apple ulanyjylaryň teswirlerine çalt jogap berip, interfeýsi test tapgyrynyň özünde üýtgedýär.
Ikinji beta-wersiýada peýda bolan beýleki täzelikler:

  • App Store-daky programmalaryň sahypalarynda täze “Ýörite mümkinçilikler” («Специальные возможности») bölümi peýda boldy;
  • iPad üçin Journaling programmasy bilen iCloud sinhronizasiýasy işledildi;
  • Apple Wallet-de zakazlary yzarlamak mümkinçiligi goşuldy;
  • Täze Apple Music Radio widjeti peýda boldy. Şeýle hem başga-da birnäçe täze mümkinçilikler girizildi.

Täzelikleriň doly sanawy bilen Apple-yň degişli sahypasynda tanşyp bolýar.


31.08.2025 08:47
7k+

Samsung EA-nyň we eplenýän iPhone-yň ýokdugy üçin Apple-iň üstünden güldi

Samsung korporasiýasy X sosial ulgamynda mahabat wideosyny hödürledi we onda degişme äheňinde özüniň eplenýän Galaxy Z Fold 7 smartfonynyň iPhone-dan artykmaçlygyny görkezdi. Sýužet boýunça basseýniň gyrasynda dynç alýan iki adam iPhone bilen eplenýän Samsung smartfonyny deňeşdirýär...

29.08.2025 20:04
12k+

Apple iPhone 17 çykandan soň iPhone-yň dört modeliniň satuwyny bes eder

Täze iPhone 17 çykandan soň, Apple dört sany smartfon modelini öndürmegi we satmagy bes eder diýip, 9to5Mac habar berýär. Neşiriň habaryna görä, Apple iPhone 15-i we iPhone 15 Plus-y öndürmegi bes eder. Bu modeller üçünji tarap satyjylarynda satylyp bilner, ýöne olar kompaniýanyň resmi dükanlarynda bolmaz...

28.08.2025 15:58
10k+

Apple iPhone 17-niň hataryna täze adaty bolmadyk reňkleri goşar

Apple ýene birnäçe hepdeden iPhone 17 hataryny hödürlär. Bloomberg-iň žurnalisti Mark Gurmanyň maglumatyna görä, adaty reňk görnüşlerinden başga-da, käbir modeller täze reňk wariantlaryny alar. Şeýlelikde, flagman modelleri bolan iPhone 17 Pro we iPhone 17 Pro Max mämişi reňkde çykar we iPhone 16 Plus-yň ornuny tutjak iPhone 17 Air açyk gök reňkde bolar...

27.08.2025 11:24
3.9k+

Apple 9-njy sentýabrda iPhone 17-ni we beýleki täzeliklerini tanyşdyrar

Apple kompaniýasy her ýylky tanyşdyryş çäresiniň senesini mälim etdi. Çäre 9-njy sentýabrda, sagat 22:00-da (Aşgabat wagty bilen) kompaniýanyň Kaliforniýadaky Kupertino şäherindäki baş edarasynda ýerleşýän Stiw Jobs adyndaky teatrda geçiriler...