Dünýäniň ikinji raketkasy ispaniýaly Karlos Alkaras Londonda geçirilen ATP 500 ýaryşynyň ýeňijisi boldy. Ol finalda reýtingiň 30-njy ornuny eýeleýän çehiýaly Irži Legeçkany utdy. Oýun 7:5, 6:7 (5:7), 6:2 hasabynda tamamlandy.
22 ýaşly Alkaras üçin bu häzirki möwsümde bäşinji we professional karýerasynda 21-nji tituly boldy. Onuň üçin bu Londonda eýýäm ikinji ýeňşidir – ilkinji gezek türgen bu ýerde 2023-nji ýylda ýeňiş gazandy.
Alkaras otly kortlarda geçirilen ýaryşlaryň azyndan dördüsinde ýeňiji bolan bäşinji tennisçi boldy. Ozal bu üstünlige Nowak Jokowiç (8 titul), Matteo Berrettini (4), Teýlor Frits (4) we Nikolýa Maýu (4) ýetdi.
Londondaky ýeňiş Alkarasyň ýeňişli tapgyryny 18 oýna çenli uzaltdy – bu onuň karýerasynda iň gowy netijedir.
Ol bu üstünligi netijesinde dünýäniň birinji raketkasy Ýannik Sinnerden aratapawudyny 1130 utuga çenli azaltdy.
