Stellantis kompaniýalar topary tormoz ulgamyndaky näsazlyk sebäpli birnäçe Peugeot, Citroen, DS we Opel modelleriniň yzyna çagyrylandygyny habar berdi. Mesele elektron tormoz dolandyryşy (EBS) ulgamyndaky alýumin klapan blogy bilen baglanyşykly. Bu 2024-nji ýylyň maý-awgust aýlary aralygynda öndürilen awtoulaglara degişlidir.
Ýewropanyň Safety Gate we RappelConso howpsuzlyk platformalarynyň habaryna görä, bu kemçilik ABS we EBD ulgamlarynyň işlemezligine getirip, çap platasyna tormoz suwuklygynyň syzmagyna sebäp bolup biler. Bu, esasanam, agyr ýagdaýlarda heläkçiligiň ýüze çykmak töwekgelçiligini ýokarlandyrýar.
Yzyna çagyrylýan modellere Citroen C4 we C4 X (29-njy maýdan 5-nji iýun aralygynda öndürilen), Peugeot 208 we 2008 (26-njy maý - 6-njy iýun), DS 3 Crossback (25-nji maý - 6-njy iýun), Opel / Vauxhall Corsa we Mokka (24-nji maý - 27-nji awgust) degişlidir.
Awtoulag eýelerinden bellige alyş şahadatnamasynyň K sütünindäki belgi boýunça yzyna çagyryşa gatnaşýandyklaryny barlamak haýyş edilýär. Stellantis kemçilikleri resmi dellallaryňkyda mugt aradan aýrar.
